ԱՄՆ-ում հետազոտել են հայերի ԴՆԹ-ն

Կալիֆոռնիայի համալսարանի գիտնականներն ուսումնասիրել են այն հայերի ԴՆԹ-ն, ովքեր վերապրել են 1988-ի ավերիչ երկրաշարժը և պարզել, որ  հետտրավմատիկ սթրեսային խանգարումները (ՀՏՍԽ) հրահրված են գեների որոշակի հավաքագրումով:

Գիտնականները նկատել են, որ ՀՏՍԽ-ի առավել վառ դրսևորումներով մարդիկ ունեցել են գենային երկու հատուկ տարբերակներ` TPH1 և TPH2:

Գեների այս տարբերակների առկայությունը հանգեցնում է սերոտոնինի արտահայտված նվազեցման, որն ազդում է մարդու վարքագծի և տրամադրության վրա: Դա, առաջին հերթին, նպաստում է ՀՏՍԽ-ի ախտանիշների զարգացման, հաղորդում է BBC-ն:

Հետազոտություններն անցկացվել են պրոֆեսոր Արմեն Գենջյանի ղեկավարությամբ, հայկական 12 ընտանիքների 200 անդամների  հետ, ովքեր վերապրել են 1988-ի երկրաշարժը: Այս հետազոտությունը թույլ է տվել մշակել մեթոդ` ՀՏՍԽ-ի  ենթարկված մարդկանց հավանականության գնահատում, հիմք ունենալով որոշելու նրանց մոտ TPH1 և TPH2 գեների տարբերակները: Պրոֆեսոր Գենջյանի կարծիքով, այդպիսի վերլուծությունը կարող է օգտագործվել բանակում այն զինծառայողների համար, ովքեր առավել հակված են ՀՏՍԽ-ի զարգացման ռիսկին:

Հարցեր, պատասխաններ, մեկնաբանություններ